Jobb med temakart

Desse temakarta skal hjelpe deg til å strukturere årsaker og konsekvensar i fleire tema i nyare historie. Temakarta består av boksar og piler. Både boksane og pilene skal fyllast med tekst, og dersom du klikkar på dei, kjem det opp ein tekstboks som du kan skrive i.

Boksane i temakarta skal hjelpe deg til å trene på å trekke ut det viktigaste av ein tekst. Når du har arbeidd ferdig med eit temakart, vil det dessutan hjelpe deg å hugse ei omfattande mengde fagstoff.

Boksane representerer konkrete hendingar eller utviklingstrekk. Når du skriv i desse boksane, skal du øve deg på å trekke ut det aller viktigaste. Prøv å avgrense deg til to–tre setningar.

Pilene skal forklare samanhengar mellom boksane. Ein samanheng kan vere at boks A er årsak til boks B, at boks A påverkar boks B, eller at boks A hjelper oss til å forstå boks B. Nokre gonger kan samanhengar gå begge vegar, slik at boks B òg påverkar boks A. Nokre gonger er det lett å sjå samanhengar; dei kan til dømes stå direkte forklart i læremiddelet du bruker. Andre gonger må du tenke sjølv. I pilene bør du skrive så utfyllande du kan. I tillegg til å forklare kan du til dømes trekke inn døme eller kjelder de har arbeidd med, som kan utdjupe denne samanhengen.

Når du er ferdig, kan du eksportere eller skrive ut tekstane dine.