Raerieh gosse håalodh
Vihkele håalomem tsiehkien mietie sjïehtedidh:
Gïese/giejtie edtjh håalodh?
Man bïjre edtjh håalodh?
Gåessie jïh man guhkiem edtjh håalodh?
Guktie edtjh håalodh?
Magkeres håalome?
Ussjedh jïh nænnosth gïese/giejtie datne edtjh håalodh, man bïjre jïh guktemeslaakan edtjh håalodh!
Gïeh dov goltelæjjah?
Jis datne edtjh klaassese håalodh, maam dah learohkh aarebi daejrieh?
Sjïehtedh håalomem goltelæjjide!
Soejkesjh håalomem!
Ussjedh jïh soejkesjh håalomem guktie goltelæjjah dov dïjrem hijvenlaakan guarkah.
Man guhkiem dov håalome edtja årrodh? Sjïehtedh tïjjen mietie!
Sjïehtedh dov gïelem, gïeleldh vierhkie-vierhtieh jïh kråahpe-gïelem tsiehkien mietie!
Buerie raerieh:
Mujhtieh aalkove vihkele! Datne maahtah håalomem aelkedh goltelæjjide gihtjedh aktem gyhtjelassem. Dellie dov goltelæjjah aalkoevistie meatan.
Soptsesth maam akt mij gïeltege, vuesiehtimmien gaavhtan åenehks soptsesem mij dov teemese jïh åssjelasse hijvenlaakan sjeahta. Sjiehteles jïh buerie soptsesinie maahtah goltelæjjaj jiermiem jïh vaajmoem dievviedidh seamma aejkien.
Jiehtieh maam akt maam dov goltelæjjah eah åvtelen veanhteme. Dellie dov håalome gieltiegåbpoe goltelidh. Hijven aaj maam akt jiehtedh mij luste.
Vuartesjh goltelæjjide mearan håaloeminie, dellie dah dååjrehtieh datne dejtie soptsesth.
Vihkele tjïelke dïjrem goltelæjjide buektedh dov håaloemisnie.
Mujhtieh buerie galhkuve aaj vihkele. Dellie datne tjåanghkan bïejh dam maam aalkoevistie jeahteme jïh håalomen tjïrrh soptsestamme.
Heerjehtallh!
Vihkele soejkesjidh jïh sjïehtedidh guktie gaajhke hijven sjædta.
Vihkele heerjehtalledh åvtelen datne edtjh håalodh.