Hopp til innhald
Fagartikkel

Ånnetji digkiedimmien bïjre

Digkiedimmie vihkeles gaskesadteme-vuekie.
Govhte noerh mah tjåanghkoe-tjïehtjelisnie digkedeminie. Guvvie.
Bilete: Stina Åshildsdatter Grolid / CC BY-SA 4.0

Digkiedidie njaalmeldh jïh tjaaleldh!

Digkiedidh lea vihkeles vuekie gaskesadtedh almetji gaskemsh.

Såemies aejkien mijjieh sinsitnine dan ovsïemes juktie aelkebe gïrredidh. Dellie ij leah buerie digkiedimmie. Juktie hijvenlaakan digkiedidh jïh digkiedimmes-aamhtsidie joekehts våajnoe-raedtijste åadtjodh govledh, dellie gaajhkesh byöroeh sijjen mïelem doestedh jiehtedh.

Raerieh:

  • Dåemedh hijvenlaakan, aellieh mubpieh almetjh dïeblesth.

  • Digkedh dåajmieslaakan.

  • Digkedh aamhtesem, aellieh almetjem.

Iktegisth vihkele goltelidh maam mubpieh almetjh jiehtieh. Vuesehth datne goltelh kråahpegïeline, tjelmiejgujmie jïh ååredæjjine. Aellieh hapkesh, goltelh mearan vuertieminie goske dov våaroe soptsestidh.

Gosse tjaaleldh laavenjassigujmie oktegh barkh dellie dov mïelen mietie digkedh. Læjhkan vihkele aamhtesem joekehts våajnoe-raedtijste gïehtjedidh. Dellie dov digkiedimmie buerebe jïh vijriekåbpoe sjædta. Mujhtieh aaj dåajmieslaakan tjaeledh.