Vg1 handverk, design og produktutvikling gir deg moglegheiter til å velje mellom 41 unike yrke. Du får bli kjent med fleire fag og mange teknikkar, gjennom handverk som har lange tradisjonar. Du skal lære metodar og framgangsmåtar, samtidig som du får jobbe med nyskaping og produktutvikling.

Duodji er samiske handverkstradisjonar og -produkt. Etter vg2 duodji kan du velje to år med spesialisering i ei av dei fem yrkesutdanningane innan duodji: horn-, bein- og metallduodjifaget, skinn- og pelsduodjifaget, tekstilduodjifaget, treduodjifaget og ull- og garnduodjifaget.