Trearbeidsfaga byggjer på lange tradisjonar. Fagområdet spenner frå tradisjonelt handverk i små bedrifter, til moderne produksjon av ulike trebaserte produkt. Du skal lære om ulike materiale og teknikkar innan design og trearbeid, i tillegg til å bruke verktøy og maskiner.

I dette emnet skal vi sjå nærare på bøkkar-, møbelsnikkar-, orgelbyggar-, tredreiar- og treskjerarfaget. Etter trearbeid på vg2 kan du spesialisere deg i eitt av lærefaga gjennom to år i bedrift.