For å utføre arbeid på verkstaden må du ha kunnskap om arbeidsprosessar, utstyr, maskiner og verktøy. I tillegg vil du ofte trenge det du har lært i fag som norsk, matematikk og naturfag. Derfor kallar vi dei praktiske arbeidsoppdraga i dette emnet for heilskaplege læringsoppdrag.

Pleksiglas har den unike eigenskapen at det transporterer lys og slepper ut dette lyset i utsparringar og mønster i overflata. Denne eigenskapen gjer at pleksiglas er veldig godt eigna til å lage lysande skilt. I dette læringsoppdraget skal du lage ditt eige lysskilt.