Overflatebehandling i industrien endrar eigenskapane til materialoverflater ved hjelp av kjemiske, termiske eller mekaniske metodar. Formålet er å fjerne ujamnskapar, forbetre estetikk og auke hardleik og motstandsstyrke mot korrosjon.

Korrosjon er ein elektrokjemisk reaksjon mellom eit metall og omgivnadene. Den mest kjende korrosjonsforma er rust. Korleis kan vi verne ein konstruksjon mot korrosjon?

For å hindre korrosjon i ein metallkonstruksjon kan du bruke eit mindre edelt metall som vern. Då vil dette metallet tærast før sjølve konstruksjonen. Dette kallar vi katodisk vern.