Alle bedrifter må ha fokus på helse, miljø og sikkerheit. Vi skal jobbe på ein sikker måte, og gjere det vi kan for å førebygge uheldige konsekvensar for oss sjølve, andre og miljøet rundt oss. Som elev må du også ivareta HMS. Ein triveleg, trygg og sikker skule er eit godt utgangspunkt for læring.

Arbeidsgjevaren har hovudansvaret for å tilretteleggje for eit godt og sikkert arbeidsmiljø, stille verneutstyr til disposisjon og sørgje for tilstrekkeleg opplæring. Ein triveleg, trygg og sikker arbeidsplass er eit godt utgangspunkt, òg for lønsemd.