Scenografi
Scenografi er heilskapen av utstyr, kulissar, kostyme og lys i eit teaterstykke eller ein film. Du får i oppgåve å utforme eit bymiljø som skal fungere på scena i ei lita teaterframsyning med fem skodespelarar.
Måla for scena er:
- breidde: 9 meter
- høgde: 7,5 meter
- djupne: 7.5 meter
Scenografien skal innehalde:
- eit gateparti
- arkitektur
- andre element frå byen
Tema:
Vel eit tema for byen din. Til dømes:
- moderne
- gammal
- grøn by
- storby
Fargeval:
Fargepaletten skal vere svart, kvit og gråtonar, i tillegg til ein farge som du kan velje sjølv.
Del 1: Idéutvikling
Moodboard
Du kan ta bilete til oppgåva sjølv, eller hente bilete du har lov til å bruke frå nettet. Lag eit moodboard i A3-format. Bileta kan brukast som element på scena.
Skisser
Teikn raske skisser og lag ein plan for scenografien. Hugs at du òg må ha ein spennande bakgrunn.
Vel ei av skissene og eksperimenter med ulike fargesamansetjingar.
Del 2: Modell
Lag ein modell av scena i målestokk 1 : 25.
Modellen blir laga i kapaplater, kartong og papir.
Del 3: Eigenvurdering
Har du fått fram uttrykket du ønskte i bymiljøet ditt?
Vurder det ferdige produktet og arbeidsprosessen din.
Dette skal du levere inn og stille ut på ein eigna stad:
- skisser
- moodboard
- modell
- eigenvurdering