Salsutstillingar
Salsutstillingar har som mål å selje produkt og tenester for kundar ved butikkeksponering og vindaugsutstillingar.
Informasjonsutstillingar
Informasjonsutstillingar skal formidle ein bodskap eller informere om tenester.
Opplevingsutstillingar
Opplevingsutstillingar er utstillingar i rom. Det kan vere museumsutstillingar, messestandar og kunstutstillingar, eller at publikum blir presentert for eit bestemt tema.
Styling av rom og scene
Styling av rom og scene kan vere styling til eit arrangement, ein fest, eit jubileum eller eit teaterstykke. Oppdraget kan òg vere knytt til eit tema.
Fotostyling
Fotostyling går ut på å lage oppsett og stemningar med tanke på foto for kunde, annonsar eller butikkar.
Grafisk design
Grafisk design handlar om å utforme visuelle bodskapar ved bruk av form, fargar, visuelle element og tekst. Det er mange ulike teknikkar, og arbeidet med grafisk design inngår som ein viktig del av eksponeringsdesign.
