• Sjå animasjonen av første del av Peer Gynt (over).

No skal de øve de på å lese sentrale delar av første handling. De skal først øve i grupper, deretter skal kvar gruppe framføre framfor klassen. De finn teksten vedlagt i Word-filer nedanfor.

Dei sentrale scenene og rollene er:

• Scene 1: Bukkerittet med Mor Åse og Peer Gynt

• Scene 2: Hægstadjenta med Mor Åse og Peer Gynt

• Scene 3: Første møte med Solveig med Peer Gynt, ein mann, ein annan mann, kjøkemester, Solveigs far

• Scene 4: Fest på Hægstad med Peer Gynt, ei jente, ein mann, ein liten flokk, ein i flokken, ein gut, ei stemme frå flokken, "nokon"(Her kan store delar av klassen vere med i "flokken".)

• Scene 5: Bruderovet med Mor Åse, Peer, smeden, "nokon", "andre", brudgommen, faren, Hægstadbonden (Også her kan fleire vere med.)

1. Diskuter i grupper kva inntrykk de får av karakteren Peer Gynt etter å ha framført og sett dei sentrale scenene. Ein på gruppa noterer ned minst fem trekk som de synest karakteriserer Peer.

2. Gå gjennom i plenum og skriv karaktertrekka som alle gruppene oppgir på tavla.

Sjå dokumentaren Hemmeligheten bak Peer Gynt frå 21:28 til 26:00.

Denne delen handlar om første handling. Animasjonen på toppen kjem igjen her, men det gjer ikkje noko å sjå han ein gong til.

Diskuter i plenum:

1. Kva spørsmål og teoriar om Peer Gynt blir lansert av programleiaren og ekspertane?

2. Er de einige i tolkingane deira? Grunngi svaret.