Ordet åkle kjem av det norrøne áklæði og betyr sengeteppe. Tekstilane vart brukte både som dekor og varmeisolasjon. I Noreg går åkletradsjonen heilt tilbake til mellomalderen. Bruk av mønster og teknikkar kunne variere frå stad til stad.
Inspirasjon frå åkle-mønster blir brukt i nye samanhengar
Siv Elise Seland frå iiS Woodling beskriv korleis ho har brukt åkletradisjonen som inspirasjon i design av klede.
Lag eit produkt der du bruker dekor frå eit åkle-mønster
Du vel sjølv kva slags produkt du vil lage og kva materiale og teknikkar du vil jobbe med.
Del 1: Inspirasjon og idéutvikling
- Set deg inn i åkletradisjonen og finn bilete av åkle som inspirerer deg. Lag ein kollasj eller eit moodboard der du presenterer eit utval åkle.
- Plukk ut ornament, bord eller flatemønster som du vil bruke i ein ny samanheng.
- Teikn idéskisser til korleis du kan bruke dekor frå åkletradisjonen på nye bruksområde. Vel om du vil jobbe digitalt eller for hand, eller om du vil kombinere dette.
Del 2: Produktutvikling
- Vel kva slags dekor du vil gå vidare med og kva produkt du vil lage. Dersom du ønskjer ei bestemd målgruppe for produktet ditt, noterer du kva som kjenneteiknar denne.
- Jobb først med form og funksjon, før du bruker dekor som ein del av det estetiske uttrykket. Lag fleire skisser og eksperimenter med fargeval.
- Lag presentasjonsskisse og arbeidsteikningar i målestokk, der du planlegg produksjonen av produktet.
Del 3: Presentasjon
Presenter idéutviklinga og korleis du ser for deg det ferdige produktet. Vurder eige arbeid og produkt.
Innlevering:
- kollasj eller moodboard
- idéskisser
- arbeidsteikningar og presentasjonsskisse
Relatert innhald
Kilde:
Åkle. (2020, 2. november). I Store norske leksikon. Henta 23. februar 2021 frå https://snl.no/C\\3A\\5kle
Åkle. (2019, 24. august). Henta 23. februar 2021 frå https://no.wikipedia.org/w/index.php?title=C\\38\\5kle&oldid=19705580