Filbmadahkki Elle-Máijá Tailfeathers
Son álggii iežas filbmakarrierain 2011:s eksperimentála oanehisfilmmain Bloodland. Filbma ráhkaduvvui vuosttaldeapmin dasa go oljofitnodagat galget bohkagoahtit oljju blackfoot-indiánaid guovlluin. Dán filmma maŋŋá son lea ráhkadan máŋggaid eará filmmaid iešguđet šáŋŋeris nugo fikšuvnna, dokumentára, mokumentára ja musihkkavideo.
Tailfeathersa áhčči lea norgga beale sápmelaš ja eadni ges Kainai First Nationa blackfoot-indiána. Kainai-čearda lea maiddái dovddus "The Blood Triben" dahje "Kainaiwan". Sii leat oassin Blackfoot-ovttastumis mat leat golbma indiánačeardda: siksikáwa, kainai ja pieganat. Blackfoot-indiánat ásset Albertas Kanádas, sii elle álgoálggus buffalobivddus ja leat earret eará dovddus iežaset seremoniijalaš ja bassi beaivvášdánsumis.
Tailfeathersa filmmat leat dávjá servodatváttisvuođaid ja vuoigatmeahttunvuođa birra mat leat gullet eamiálbmottematihkkii. Filmmat leat čájehuvvon festiválain máŋgga sajis máilmmis, nugo Berlina filbmafestiválas, Vancouver International Film Festivalas, imagineNATIVE Film and Media Arts Festivalas, Seattle International Film Festivalas ja Romssa riikkaidgaskasaš filbmafestiválas (TIFF).
Relatert innhald
Filmskapar Elle-Máijá Tailfeathers er halvt blackfoot-indianar og halvt same. Ho er busett i Vancouver, Canada, og har laga fleire filmar med urfolkstematikk.
Eksperimentell dokumentarfilm laga av filmskapar Elle-Máijá Tailfeathers. Filmen handlar om Tailfeathers' eiga familiehistorie.