Døme på eksamensoppgåver for naturbruk

Eksamensoppgåva består gjerne av eit breitt tema som dekker mange av kompetansemåla i naturfag. Saman med oppgåva frå du ei liste med forsøk eller andre praktiske oppgåver.

Du bruker førebuingstida til å setje deg inn i det temaet du har fått, og forsøka du har fått gitt opp.

Gi ei oversikt over aktuelle problemstillingar knytte til arealbruk.

Aktuelle stikkord

• Gi døme på andre arealendringar som kan vere ein trussel mot det biologiske mangfaldet.
• Kvifor er arealendringar ein såpass stor trussel?
• Kva tiltak kan avgrense den negative effekten som arealendringar kan ha?
• Diskuter ulike tiltak, og vurder fordelar og ulemper med tiltaka.

Gjer greie for nokre stoffkrinsløp og korleis vi menneske kan påverke desse.

Aktuelle stikkord

• Kva meiner vi med at stoff går i eit krinsløp?
• Gi ei kort oversikt over dei viktigaste stoffkrinsløpa.
• Vel eitt av stoffkrinsløpa, og forklar det i detalj.

• Korleis kan menneskeleg aktivitet påverke stoffkrinsløpa?

  • Gi døme, gjerne knytte til naturbruk.
  • Kva konsekvensar kan dette ha?
  • Kva tiltak kan vi setje i verk for å unngå desse konsekvensane?

Du skal utforske og presentere teknologi knytt til naturbruk og vurdere han i eit berekraftsperspektiv.

Ta gjerne utgangspunkt i oppgåva Utforsk teknologi i naturbruk.

Aktuelle stikkord

• Kva er teknologi? Gi døme.
• Korleis blir den aktuelle teknologien brukt i utdanningsprogrammet ditt?
• Kva fordelar gir denne teknologien?
• Vurder kva positiv og negativ innverknad teknologien kan ha på ei berekraftig utvikling.
• Kan teknologien knytast til eit eller fleire av berekraftsmåla?
• Foreslå moglege forbetringar av teknologien.

Vel eit aktuelt helse- og livsstilsspørsmål som du drøftar, eller ta utgangspunkt i ein av casane i artikkelen Livsstilsvanar hos norske ungdommar.

Presenter det du finn ut.

Aktuelle stikkord

• Kva blir meint med helse?
• Kva er livsstil?
• Kva er samanhengen mellom helse og livsstil?
• Kva meiner du kjenneteiknar god helse?
• Kvifor er spørsmålet du har valt, aktuelt?

• Korleis kan du kople spørsmålet til andre kompetansemål i læreplanen?

Framfor deg har du eit utval matvarer (til dømes mjølk, sukker, mjøl, potetmjøl, olivenolje, eple, eggekvite).

Planlegg eit forsøk der du skal undersøke innhaldet av eit eller fleire næringsstoff i desse matvarene (til dømes påvise stivelse eller protein).

Aktuelle stikkord

• Forklar og vis korleis du vil gjennomføre eit slikt forsøk.
• Korleis vil du gå fram for å risikovurdere forsøket?
• Kva gjer du med eventuelt avfall frå forsøket?
• Kva blir meint med næringsstoff?
• Vel eit eller fleire næringsstoff. Forklar korleis dei er bygde opp, kva som skjer med dei i kroppen, og kva som kan vere gode kjelder til desse næringsstoffa.

• Gjer kort greie for funksjonen til det næringsstoffet / dei næringsstoffa du har valt.

• Forklar og vis korleis du kan påvise desse næringsstoffa.

• Kva meiner vi med eit variert kosthald?
• Kva er samanhengen mellom kosthald og helse?

• Kommenter påstanden "Det er ikkje berekraftig å ete kjøtt", eller finn ein annan påstand om kosthald og vurder kor påliteleg han er.

I løpet av skuleåret har du jobba med ei sjølvvald problemstilling. Presenter det du har funne ut, og argumenter for den metoden du valde å bruke.

Aktuelle stikkord

• Kvifor valde du denne problemstillinga?
• Kva hypotesar har du jobba med?
• Korleis undersøkte du om hypotesane stemde?
• Kva fann du ut?
• Korleis heng det du har funne ut, saman med andre emne i naturfag og andre fag?
• Korleis er det du har funne ut, relevant for utdanningsprogrammet ditt?