Hopp til innhald
Oppgåve

Lag nyheitsinnslag for radio

Bruk det du har lært om APUS-modellen når du skal gjere om ein kortfilm til eit nyheitsinnslag.

1. Sjå Oslo Traffic

I kortfilmen Oslo Traffic (2016) gjer to kvinner eit drap ved eit uhell. Sjå dei fem fyrste minuttene av filmen.

2. Oppdraget

De jobbar som reporterar i NRK P3nyheter. På morgonmøtet får de vite at ein mann er funnen drepen i Oslo i natt. De skal lage ei nyheitssak om hendinga. Politiet har få spor å gå etter og vil ugjerne avsløre identiteten til mannen.

Kurve som beveger seg langs to aksar, spenning og tid. Kurven vis ulike fasar: anslag, presentasjon, utdjuping og slutt. Illustrasjon.
APUS-modellen er ein dramaturgisk modell og har ein start, ein midtdel og ein slutt. Han blir særleg brukt til nyheitsinnslag for TV og radio.

Bruk hendingane i kortfilmen Oslo Traffic som utgangspunkt for å byggje opp eit radioinnslag etter APUS-modellen.

Ta i bruk det de har lært om dramaturgi i nyheitsinnslag, og skap gjerne eigne intervjuobjekt.

Innslaget bør vare mellom 30–60 sekund.


3. Produksjonsprosessen

Planlegg dramaturgien godt før de speler inn innslaget.
Tenk gjennom:

  • Korleis vekkjer vi lyttarane (anslaget)?
  • Kven skal vi intervjue (presentasjonen)?
  • Kven kan fortelje oss meir om korleis og kvifor dette har skjedd (utdjupinga)?
  • Korleis får vi til å runde av innslaget på ein god måte?

4. Lytt saman

Spel av nyheitsinnslaga for kvarandre når de er ferdige. Lytt til innslaga til kvarandre.

Ei ung kvinne sit i passasjersetet i ein bil. Ho held ein mobil i handa. Foto.
Mykje går gale for hovudpersonane i den norske kortfilmen Oslo Traffic. Bilete: Johanna Pyykkö, August F. Sanengen / Avgrensa bruksrett

5. Kvarandrevurdering

Vurder til slutt kvarandre. Bruk gjerne tabellen under.

Vurderingsskjema

Vurderingskriterium

i liten grad

i nokon grad

i stor grad

Anslaget er tydeleg og vekkjer interesse.

Presentasjonen gjer oss betre kjende med kven, kva, kvar.

Utdjupinga forsøkjer å gi oss fleire svar.

Slutten rundar av innslaget klart og effektivt.