Kroppsøving (vg1)

Rørsleaktivitet

Kroppen er laga for å vere i rørsle. Ved å vere i regelmessig aktivitet held vi oss i form og reduserer risikoen for å få sjukdommar og skadar. Det finst mange ulike aktivitetar du kan drive med. I dette emnet har vi samla idrett, dans og andre aktivitetar.

Idrettar

Historia til idretten går fleire tusen år tilbake i tid. Kinesarane dreiv med idrett for 4000 år sidan, og dei gamle egyptarane dyrka idrettar som symjing, fisking, spydkast, høgdehopp og bryting. Den "moderne" idretten, derimot, oppstod først i England på 1700-talet.

Badminton

Badminton er eit nettspel der målet er å få ein fjørball til å lande på motstandaren sin banehalvdel. Spelet er ein gammal idrett, som har over tusen år lang tradisjon i Kina, Japan og Thailand, og også blant sør- og nordamerikanske urfolk.

Racketspelet vi kjenner i dag, stammar frå franske og italienske kloster på 1100-talet. To hundre år seinare spreidde det seg til England via Skottland under namnet real tennis. På 1600-talet hadde spelet vorte populært, for det kravde liten plass og kunne spelast innandørs på slott og herregardar.

I vår tid er badminton ein olympisk idrett med fem disiplinar: herre- og damesingle, herre- og damedouble og mixed double.

Badminton eignar seg godt som mosjonsidrett. Spelet stiller krav til dei fysiske eigenskapane uthald og hurtigheit, koordinative eigenskapar som reaksjon, tilpassa kraftinnsats og auge-hand, men også taktikk.

CC BY-SASkrive av Oddbjørg Vatn Slapgaard.

Sist fagleg oppdatert 05.11.2020

Læringsressursar

Badminton