Forbrukarane forventar at bedrifter skal handle både etisk og berekraftig. I verdigrunnlaget til bedriftene finn vi formuleringar som fortel oss korleis den enkelte bedrifta tek samfunnsansvar.

Vi er i ei verd som er i ein omstillingsprosess. Bedrifter må tenkje berekraft i alle ledd i verdikjeda og ta samfunnsansvaret sitt. Dette krev at vi i servicenæringa tenkjer på korleis vi kan bidra til ei berekraftig utvikling, samtidig som vi held oppe lønnsemda i næringa.