Oppgåve

Kor mykje mobilstråling blir du utsett for?

Bruk eit interaktivt kart, og finn ut kor mykje stråling du blir utsett for frå mobilsendarar rundt deg.

Oppgåvene under handlar om å lese og tolke kart og er dermed visuelle. Trådlaus kommunikasjon med radiosignal

Oppgåve 1. Kor mykje stråling blir du utsett for akkurat no?

Finn ut kvar du er i kartet akkurat no. Høgreklikk for å setje markøren på denne staden.

Noter verdien du får opp i sirkelen.
Verdien seier kor stor del stråling du blir utsett for på den valde plasseringa, samanlikna med grenseverdien som er sett. Kor mange gonger meir stråling må du utsetjast for for å nå grenseverdien?
Bruk avanserte innstillingar, og gjennomfør målingar i ulike høgder. Bruk verdiane du finn, til å lage ei grafisk framstilling som viser samanhengen mellom mengda stråling du blir eksponert for, og høgde over bakken. Forklar resultata.
Verdien du får oppgitt i kartet, er teoretisk. Reelle målingar som blir gjennomførte ute, kan derfor avvike ein del frå desse. Kva faktorar kan påverke styrken på signala som blir sende ut?

Gjennomfør målinger og lag oversikter som viser stråling i ulike

Kva kan du gjere for å få resultat som er mest mogleg representative for det området du undersøker?

Finn den staden i Noreg der ein blir utsett for mest stråling. Kor mange gonger meir stråling blir dei som bur her, utsette for, samanlikna med den staden der du bur? Bør dei som bur på denne staden, bli bekymra for negative helseeffektar på grunn av strålinga frå mobilsendarane? Forklar.
Ut frå det du har funne ut, kan du seie noko om kva som påverkar kor mykje stråling du blir utsett for?

Kva siktar ein til med "effekt"? Kva er effektteittleik?
Bruk den oppgitte verdien for effekttettleik og talet på promille til å rekne ut øvste grenseverdi for eksponering for stråling som er tilrådd av Statens strålevern.
Samanlikn med grenseverdiane i tabellen under. Kva finn du ut?
Ta utgangspunkt i at denne energien kjem frå ein enkelt mobilsendar. Kor mange sendarar av same type må til for at verdiane skal komme over dei tilrådde grenseverdiane?
Finn effekttettleiken til andre typar stråling, og samanlikn. Kva trur du dette seier om effekten av stråling frå mobilsendarar på oss menneske?

Grenseverdiar for stråling
Frekvensområde	Grenseverdi ( $\frac{W}{m^{2}}$ ) for yrkeseksponerte	Grenseverdi ( $\frac{W}{m^{2}}$ ) for befolkninga generelt
10–400 MHz	10	2
400–2 000 MHz	10–50	frekvens/200
2–300 GHz	50	10

Ekstern

Nettside hos dsa.no