Fagartikkel
Guktie tjaalegem jïh filmem viertiestidh
Daennie sæjrosne maalle maam maahtah nuhtjedh gosse edtjh gærjam jïh filmem viertiestidh. Maahtah seamma maallem nuhtjedh jis edtjh tjaalegem/soptsesem jïh filmem viertiestidh.
Bilete: Berit Roald / CC BY-NC-SA 4.0
- Åehpiedehtieh tjaalegem jïh filmem åenehkslaakan. Tjaelieh tjaelijen/regissöören nomme, gåessie tjaalege jïh filme bæjhkoehtamme.
- Tjaelieh åenehks iktedimmiem tjaalegistie. Mij lea dahkoe? Gieh dah vihkielommes persovnh? Mennie byjresinie heannadimmieh heannedieh? Guktie tjaalege bigkeme? Mij lea teema?
- Seamma teema filmesne jïh tjaalegisnie?
- Komposisjovne/dramaturgije: Seamma sisvege filmesne jïh tjaalegisnie? Maam jeatjahtahteme? Maam akt orre lissiehtamme? Maam akt sleajhteme? Heannadimmieh seamma öörnegen mietie båetieh filmesne jïh tjaalegisnie?
- Seamma vuajnoe filmesne jïh tjaalegisnie?
- Guktie persovnh buerkiestamme tjaalegisie jïh filmesne?
- Byjrese seammalaakan buerkiestamme?
- Seamma aajmoe filmesne guktie tjaalegisnie?
- Mah viehkie-vierhtieh filmesne nuhtjeme juktie aajmoem skaepiedidh jïh juktie dahkoe edtja buerebe vååjnesasse båetedh? Vg: klaerieh, tjoeje, musihke, guvvie-haerie, filme-tjoehpeme
- Buerkesth guktie datne adaptasjovnem dååjredh
- Vuarjesjh adaptasjovnem
Adaptasjovne
Mijjieh baakoem adaptasjovne nuhtjebe gosse mijjieh tjaalegem juhtebe aktede medijumeste måbpan medijumese, vuesiehtimmien gaavhtan tjaalegistie filmese.