Sjokoladesaus er enkelt å lage og kan lagast av dei fleste typar sjokolade, frå dei bitre til dei søte. Karamellsaus er heller ikkje vanskeleg å lage.
Sjokoladesaus
Sjokoladesaus består av mjølk/fløyte og sjokolade. Vi kan servere han over iskrem, kaker, frukt, bær, dessertar og sufflé.
Framgangsmåte sjokoladesaus
- Kok opp mjølk/fløyte og rør inn sjokoladen.
- Jamn eventuelt blandinga med litt maisennajamning.
- Server sausen varm eller kald.
Karamellsaus
Karamellsaus består av sukker og vatn.
Framgangsmåte karamellsaus
- Karamelliser sukkeret i ein tjukkbotna kjele.
- Ha på vatn og kok inn til ønskt konsistens.
- Avkjøl.
Fløytebaserte karamellsausar
Vi kan òg lage karamellsausar på basis av sukker, fløyte og smør.
Framgangsmåte fløytebaserte karamellsausar
- Karamelliser sukkeret i ein tjukkbotna kjele.
- Når sukkeret er gyllent, heller du fløyte over og rører med ei tresleiv.
- Rør inn smør og set sausen til avkjøling.
Video
I denne videoen får du sjå korleis kokkane på Gastronomisk institutt lagar karamellsaus og ein sjokoladesaus.
CC BY-SASkrive av Jannike Gausdal.
Sist fagleg oppdatert 14.10.2020