Film og filmklipp
Sabayonne og vaniljesaus
Den kanskje aller vanlegaste dessertsausen er den klassiske eggebaserte vaniljesausen.
Bilete: Bjørn Djupvik / CC BY-NC-SA 4.0
Vaniljesaus er ei grunnoppskrift som kan varierast og smaksetjast på mange vis, med ulike krydder, likør og urter. Sabayonne er òg ein eggebasert saus som blir laga med kvitvin. Han er spesielt god til frukt og bær.
- Kok opp mjølk med sukker og vanilje.
- Slå eggeplommer og eventuelt egg lett saman før dei blir spedde med den kokande væska under kraftig pisking.
- Hell massen tilbake i kjelen og varm opp blandinga. Rør i botnen med ein slikkepott til sausen er passe tjukk. NB: Sausen må ikkje koke!
- Sil sausen og avkjøl.
- Pisk eggeplommer og sukker til krem i vassbad.
- Spe blandinga med kvitvin til ein kremaktig saus.
- Server sausen varm eller kald.
I denne videoen får du sjå korleis kokkane på Gastronomisk institutt lagar sabayonne og vaniljesaus.
Video: Amendor AS / CC BY-SA 4.0