Allergihygiene

På stader der ein lagar allergimat som egg, fisk og nøtter, skal ein ikkje lage annan mat samtidig. Desse råvarene kan nemleg gi alvorlege reaksjonar.

Mat som skal serverast til personar med allergi, må haldast skild frå andre matvarer – frå lager til servering.

Bruk reine reiskapar og reint utstyr til kvar enkelt allergi.
Når reiskapar er i bruk, må dei ikkje blandast med andre brukte reiskapar.

Hugs rein klut, sidan kluten er ei kjelde til krysskontaminering.

Ved fiskeallergi skal ein nytte ein omn som det ikkje blir laga fisk i. Eventuelt må omnen vere grundig reingjort.

Ver nøye med innpakking og merking av mat som blir sett på kjølerom eller fryserom.

Sørg for godt reinhald på benkar og utstyr, og gjer det til ein god vane å vaske dette nøye.

Les alltid på ingredienslista, sidan produsentane kan endre oppskrifta på produkt.

Merk allergimaten slik at han blir servert til riktig pasient/gjest.
Sørg for at alt av tallerkenar og utstyr er reint. Viss til dømes ein tallerken ikkje er skyld riktig, kan restar av protein frå mat sitje att og forårsake ein allergisk reaksjon.