Fagartikkel

Hjelp til å svare på lytte- og leseoppgåver

Når du jobbar med denne oppgåvetypen, skal du vise at du forstår innhaldet i munnlege og skriftlege tekstar.

Korleis løyse denne typen oppgåver?

I lytte- og leseforståingsdelen på eksamen skal du lese eller lytte til korte tekstar før du svarer på spørsmål. Denne typen oppgåver blir ikkje retta av sensor. I staden blir dei poengsette automatisk. Du vil møte

fleirvalsoppgåver der du skal velje rett alternativ blant fleire moglege svar
oppgåver der du skal gi ein tekst ei logisk og klart strukturert rekkefølge
oppgåver der du skal finne fram til rett tyding av eit ord eller rett meining av ein kort tekst

Døme på fleirvalsoppgåve

Tips:

Nokre gonger kan det vere vanskeleg å finne det svaret som er rett: To alternativ kan verke like korrekte. Då må du velje det svaret du meiner er det mest presise.

Eksempel på oppgåve der du skal sette informasjon i rett rekkefølge

Slike oppgåver handlar om å kjenne igjen ein tekststruktur, til dømes å finne stega i ei bruksrettleiing eller å sjå gangen i ein diskusjonstråd.

Begynn gjerne med å sjå etter innleiinga og slutten på teksten fordi desse to delane som regel er lettast å kjenne igjen. Deretter leiter du etter samanhengar mellom dei andre delane: Er det til dømes noko som bygger på det som allereie er sagt?

Tekstversjon av oppgåva, utan fasit

The first two statements in the chat

Cats are the best pets in the world. Anyone who says they aren’t, is simply wrong. 
That’s ridiculous! Everyone knows that dogs make the best pets. Cats are just using their owners for their own comfort, they do not really care about them. Dogs, on the other hand, are loving and loyal.

Statements to be placed in the correct order

Oh no, gross! Who would want a rat or a snake? I can’t believe it is even legal to own pets like that. How terrible for your neighbours if they run away from you and turn up in their homes.
People who love cats and dogs just lack imagination. Why not get a snake, a lizard, a turtle, or a rat? All of these are so much more interesting than a cat or a dog.
I think people have to decide for themselves what kind of pet they like. It doesn’t really matter if it is a cat, dog, snake, or even a pet rock. What matters is that they make your life better.
Dogs may be loyal, but you have to walk them every day and that’s exhausting. Also, you have to pick up after them in the street, and that just seems embarrassing to me. Far better to have a cute kitten at home that knows how to use a litter box.

Korleis finne rett svar?

Når vi les gjennom tekstbitane, ser vi at det er snakk om korte debattinnlegg, sannsynlegvis frå ein diskusjonstråd på sosiale medium. Vi får oppgitt starten på diskusjonstråden: "Cats are the best pets in the world, anyone who says they aren’t is simply wrong."

Skrivaren har fått eit svar som startar med "That's ridiculous!", og som direkte motseier påstanden hens.

Av dei fire innlegga vi skal plassere i rett rekkefølge, er det berre "Dogs may be loyal, but ..." som vidarefører diskusjonen om fordelar og ulemper ved hund og katt. Derfor passar det best at innlegget kjem først av dei fire.

Forslaget om å bruke slangar, firfisler osv. som kjæledyr må komme før reaksjonen "Oh no, gross!".

Skrivaren av innlegget "I think people have to decide for themselves ..." set spørsmålet om kjæledyr inn i ein større samanheng og er forsiktig og forsonande i tonen. Innlegget passar derfor godt som avslutning.

Døme på oppgåve der du skal finne fram til rett meining

Exam listening task, example

0:00

-0:00

Velg avspelingshastigheit

Lyd: Radio Metro AS / CC BY-SA 4.0

Korleis finne rett svar?

Vi kan begynne med å eliminere dei svara som heilt opplagt ikkje er rette, nemleg svaralternativ A og svaralternativ B.

Svaralternativ A seier at det er like mange våpen i Canada som i USA, og svaralternativ B seier at det er fleire våpen i Noreg enn det er i USA. Når vi lyttar, høyrer vi at det er

120 våpen per 100 menneske i USA
34 våpen per 100 menneske i Canada
29 våpen per 100 menneske i Noreg

Det gjer det lett for oss å avvise svaralternativa A og B: Det er fleire våpen per 100 menneske i USA enn i Canada eller Noreg.

Svaralternativ D er påstanden om at det ikkje er mange i USA som eig våpen. Teksten seier at 42 % av befolkninga eig våpen. Då blir det eit reint vurderingsspørsmål om vi synest 42 % er få eller mange – det ligg ikkje noko svar i teksten, verken direkte eller indirekte.

Svaralternativ C inneheld to påstandar: at det er fleire våpen enn det er menneske i USA, og at ikkje alle amerikanarane eig våpen. I teksten høyrer vi at det er 120 våpen per 100 personar i USA. Det er altså fleire våpen i USA enn det er menneske. I tillegg får vi vite i teksten at 42 % av amerikanarane eig våpen. Dermed er det rett at ikkje alle amerikanarane eig våpen. Påstandane i svaralternativ C er derfor rette, og vi kan vurdere dei ved hjelp av konkrete tal og slepp å synse. Derfor er C det beste (og korrekte) alternativet.

Å løyse lytteoppgåver kan vere vanskeleg dei første gongene, men oppgåvene blir lettare dess meir vi øver. Det lønner seg å lytte gjennom teksten fleire gonger og ta notat undervegs.