Forsøk: Påvising av karbohydrat
Teori
Karbohydrat er ei viktig kjelde til energi for kroppen vår og finst i matvarer som brød, ris, pasta, frukt og grønsaker. Vi kan dele inn karbohydrat i tre hovudgrupper:
monosakkarid
disakkarid
polysakkarid
Monosakkarid er enkle sukkerartar som glukose (druesukker) og fruktose (fruktsukker), mens disakkarid består av to monosakkarid som er bundne saman kjemisk. Sukrose (sukker) og laktose (mjølkesukker) er døme på disakkarid. Polysakkarid er lange kjeder av monosakkarid. Døme på polysakkarid er stivelse, glykogen og cellulose.
Utstyr
glukose
fruktose
laktose
sukrose
stivelse (amylase)
matvareprøver
jodløysning (sikkerheitsdatablad for jodløysning)
Fehlings reagens (sikkerheitsdatablad for Fehlings A og sikkerheitsdatablad for Fehlings B)
Benedicts løysning (sikkerheitsdatablad for Benedicts løysning)
vassbad
reagensrøyr
reagensrøyrstativ
pipettar
reagensrøyrklype
vernebriller
merkepenn/tusj
Oppskrifter på reagens
Jodløysning
Stamløysning, 1 %
Løys 1 g I2(s) og 2 g KI (s) i 100 mL vatn.
Løysning for å teste matvarer, 0,2 %
Ta 10 mL av stamløysningen på 1 %, og fortynn til 50 mL med vatn.
Fehlings reagens
Lag Fehlings reagens ved å blande Fehlings A og Fehlings B i forholdet 1:1. Fehlings A og Fehlings B kan du kjøpe gjennom firma som sel labutstyr.
Benedicts løysning
For å lage 1 liter løysning veg du opp
17,3 g kobbar(II)sulfat
173 g natriumsitrat
100 g vassfritt natriumkarbonat eller 270 g Na2CO3 * 10H20
og løyser opp i vatn og fortynner til 1 liter.
Benedicts løysning har lengre haldbarheit enn Fehlings løysning, som må lagast ny kvar gong testen skal brukast.
Framgangsmåte
Del 1: Forprøvar
I denne delen av forsøket skal du bli kjend med korleis to ulike stoff kan brukast til å påvise ulike typar karbohydrat. Det du finn ut, skal du bruke til å påvise ulike typar karbohydrat i del 2 av forsøket.
Jodløysning
Overfør litt glukose, fruktose, laktose, sukrose og stivelse til kvart sitt reagensrøyr og løys opp i litt vatn.
Tilset nokre dropar jodløysning til kvart av reagensrøyra.
Observer eventuelle fargeendringar.
Fehlings reagens eller Benedicts løysning
Overfør litt glukose, fruktose, laktose, sukrose og stivelse til kvart sitt reagensrøyr, og løys opp i litt vatn.
Tilset nokre dropar Fehlings reagens eller Benedicts løysning til kvart av reagensrøyra i 1.
Varm opp reagensrøyra i eit vassbad i nokre minutt. Observer fargeendringane.
Oppsummering av forprøvar
Gjer desse oppgåvene for å få ei oppsummering av kva du har funne ut så langt.
Del 2. Undersøk ulike matvarer
I denne delen av forsøket skal du finne ut kva typar karbohydrat som finst i utvalde matvarer.
Før du startar med analysane, må du gjere klar matvareprøvene.
Viss matvarene er faste: Kutt opp ei lita mengde av kvar matvare, mos dei og plasser dei i kvar sine reagensrøyr. Løys i litt vatn.
Viss matvarene er flytande/løysningar, kan dei overførast til reagensrøyr og brukast som dei er. Merk reagensrøyra slik at du veit kva matvarer du har i kva reagensrøyr.
Tilset nokre dropar jodløysning i kvart reagensrøyr.
Gjer klar nye reagensrøyr som i 1.
Tilset nokre dropar Fehlings reagens / Benedicts løysning i kvart reagensrøyr.
Varm opp reagensrøyra i eit vassbad i nokre minutt for å framskunde reaksjonen.
Resultat
Lag ei oversikt over kva karbohydrat dei ulike matvarene inneheld.
Spørsmål
Kva er forskjellen mellom monosakkarid, disakkarid og polysakkarid?
Kva er forskjellen mellom stivelse og cellulose?
Kva skjer når karbohydrat blir brotne ned i kroppen?
Kvifor er karbohydrat viktig for kroppen?
Kjelder
Universitetet i Oslo. (2017). Oppskrifter og merking i matkjemi. https://www.mn.uio.no/kjemi/forskning/grupper/skole/kurs/tidligere-kurs/2017/matkjemi-27042017/oppskrifter-merking-matkjemi.pdf
Universitetet i Oslo. (u.å.). Påvisning av reduserende sukker. Henta 20. august 2024 frå https://www.mn.uio.no/kjemi/forskning/grupper/skole/ressurser/kjemipaboks/enkelt-ovelser/pavisning-av-reduserende-sukker.pdf
VilVite. (u.å.). Karbohydrater. Henta 20. august 2024 frå https://www.vilvite.no/eksperimenter/karbohydrater