Arbeidsoppdrag
Arbeid i høgda – prosjektoppgåve
Gjennom denne prosjektoppgåva kan du lære meir om planlegging av arbeid i høgda.
Bilete: Tom Knudsen / CC BY-SA 4.0
Fingerbordet har automatiske sperrer som opnar og lukkar for å sikre røyr som er sett inn i bordet.
På det øvre fingerbordet i boretårnet er det fleire celler som er ute av drift. Dette gjer det vanskeleg å plassere og hente borerøyr frå setback (inn og ut av fingerbordet).
Boreavdelinga har fått ein godkjend stopp i operasjonen for å utbetre skadane. Det øvre fingerbordet er 25 meter over boredekknivå.
- Dann eit arbeidslag med driller, roughneck og tårnmann.
- Analyser jobben. Kva skal til for å gjennomføre denne aktiviteten?
- Kva omsyn må vi ta? Kva dokument skal fyllast ut? Kva sikringstiltak må setjast inn?
- Fullfør planlegginga med utfylling av dei dokumenta som er naudsynlege.
- Presenter i eit prejobbmøte (klassen) kva de har planlagt, og kva krav de innfrir i regelverket.