Vi blir bombarderte av inntrykk når vi kikkar på mobilen. Her skal de undersøkje dei sidene de vanlegvis besøkjer og bloggen til den populære norske påverkaren Isabel Raad.
Oppgåve 1
Videoen under er laga av Marta Gangsås Berstad frå Nord-Gudbrandsdal vidaregåande skule. Ho vann prisen for beste medieproduksjon i Fritt Ord-konkurransen 2018 med denne videoen.
Sjå videoen og tenk over:
- Kva er bodskapen i videoen?
- Er du samd i bodskapen?
- Blir du påverka av reklame?
Oppgåve 2
- Gå saman i grupper og lag ei liste over fem til ti nettsider de besøkjer mykje i løpet av ein dag. Det kan vere aviser, bloggar, Youtube-kanalar, Instagram eller andre sosiale medium.
- Bli samde om kva for nokre av desse sidene de trur prøver å overtyde dykk om ei sak eller å kjøpe ulike produkt. Det kan òg vere sider som har reklamar som element.
Lag eit produkt som illustrerer korleis nettopp desse sidene prøver å påverke dykk. Det kan til dømes vere:
- Ein video av typen Marta Gangsås Berstad har laga.
- Ein presentasjon for klassen der de viser korleis nettsidene, eller enkeltelement på nettsidene, prøver å påverke dykk.
- Ein kollasj der de set saman utdrag frå sidene.
Oppgåve 3
Del A
Sjå videoen under om korleis Youtubarar påverkar følgjarane sine.
- Kva seier 15-åringen, Selma, som viser at ho ikkje forstår kvifor Youtubarar reklamerer for produkt?
- Kjenne de til kanalar på Youtube som reklamerer for produkt?
- Kva synest de om at bloggarar og Youtubarar får betaling for å reklamere for varer?
Del B
Jobb i grupper:
Ein av dei mest kjende bloggarane og "påverkarane" i Noreg er Isabel Raad. Gå inn på bloggposten du finn lenkje til under, og diskuter spørsmåla.
- Er produktet på denne bloggen sponsa eller ikkje? Grunngi svaret dykkar.
- Sjå på bloggen som ein samansett tekst. Korleis er forholdet mellom bilete og tekst? Kvifor har ho valt akkurat desse bileta, meiner de?
Korleis bruker Raad språklege verkemiddel i verbalteksten? Sjå etter:
- direkte førespurnad
- positivt verdiladde ord
- humor
- ekspressivt språk
- informativt språk
Avslutt med å vurdere om Raad bruker mest patos, etos eller logos.
- Diskuter aptum i bloggen. Synest de dette innlegget er passande? Fungerer det godt som ein reklame? Grunngi svaret dykkar.
CC BY-SASkrive av Åsa Abusland.
Sist fagleg oppdatert 03.03.2020