God design og veving av spesielle stoff som det ofte er vanskeleg eller ulønsamt å produsere for industriverksemder, er oppgåver for handvevaren. Det kan vere kyrkjetekstilar, tekstilar til heimen, utsmykkingstekstilar, metervarer til designklede og bunader.
Eigenskapar
Du må ha god materialkunnskap og kjennskap til ulike veveteknikker, og kunne analysere og rekonstruere originalstoff. I tillegg bør du følgje trendar innan mote og interiør, ha god farge- og formsans og vere nøyaktig og kreativ.
Utdanning
Utdanninga for å bli handvevar er to år i vidaregåande skule og to år i lære i bedrift. Det første året tek du Vg1 handverk, design og produktutvikling. Det andre året vel du Vg2 saum og tekstilhandverk. Etter to år i lære i handvevarfaget kan du ta sveinebrev.
Relatert innhald
Nettside hos gyldendal.tv