Hopp til innhald
Fagartikkel

Marja Bål Nango

Marja Bål Nango (1988–) er ein samisk kunstnar og filmskapar. Fleire av filmane hennar er vortne viste på filmfestivalar i inn- og utland. Filmutdanninga si har ho frå Nordland kunst- og filmfagskole og film- og fjernsynsvitskap ved Høgskolen i Lillehammer.
Fire ungdommar i baksetet av ein bil. Foto.
Biletet er frå kortfilmen Hilbes biigá, regissert av Marja Bål Nango. Bilete: Marja Bål Nango, Marie Lagerkvist, Hans-Olof Utsi / Avgrensa bruksrett

Nango vart årets unge kunstnar under den internasjonale urfolksfestivalen Riddu Riđđu i 2011. I 2015 fekk ho debutantprisen Skårungen for kortfilmen Hilbes biigá. Skårungen er ein pris på 25 000 kroner som blir delt ut av Nordnorsk filmsenter.

Andre utmerkingar og nominasjonar

  • nominert til Tromsøpalmen (2015) ved Tromsø International Film Festival (TIFF), ein pris som blir delt ut til den beste filmen i sideprogrammet Film fra nord
  • tildelt den svenske UR-prisen (2015)
  • plukka ut til å delta i konkurranseprogrammet ved både Kortfilmfestivalen i Grimstad og Nordisk Ungdoms Filmfestival

Halvt ditt og halvt datt

Nangos dokumentarfilm Halvt ditt og halvt datt (2011) undersøker kva det vil seie å vere fleirkulturell. Filmen presenterer intervju med personar som høyrer til fleire kulturar. Han diskuterer spørsmål som:

  • Kan ein same gifte seg med ein nordmann?
  • Kan barnet mitt gå med bunad?
  • Kva for språk skal vi snakke heime?

Sjå innslag om filmen Halvt ditt og halvt datt på NRKs distriktsnyheter Nordnytt.

Til refleksjon: Kva vil det seie å vere fleirkulturell? Kva for fordelar og ulemper kan det ha å vekse opp i ein fleirkulturell familie, der ein av foreldra er norsk medan den andre er frå ein annan kultur?

Relatert innhald

Kjeldemateriale
Hilbes biigá

Hilbes biigá er ein pønkete samisk ungdomsfilm om vennskap, sjalusi, seksualitet og lengsel.