Når du skriv, har du tid til å planleggje, endre og forbetre teksten din. Til gjengjeld må du vere endå meir mottakarmedviten enn når du snakkar, for lesaren kan ikkje spørje deg om noko skulle vere uklart. Ein velskriven tekst er til hjelp for lesaren – og mykje morosamare å lese!

Mange av tekstane du blir omgitt av er sette saman av bilete, verbaltekst og kanskje òg lyd, som til dømes reklamar, musikkvideoar og mem. Vi seier at tekstane har ulike modalitetar som speler saman. Dette samspelet skal du beskrive når du blir bedd om å analysere ein samansett tekst.