I dette emnet får du lære meir om køyretøy og arbeidsutstyr. Ein lastebil til dømes kan ha påmontert arbeidsutstyr som krokløftar eller bakløftar. Arbeidsutstyr kan òg vere ein truck eller ei kran, eller det kan vere enklare utstyr som jekketralle eller sekkehjul.

Ein lastebil består av eit chassis med eit påbygg ut frå kva bruksområde bilen skal ha. Påbygget definerer kva lastebil det er snakk om, til dømes tankbil, skapbil, krokbil, tippbil og så vidare. Påbygget er altså det som er "bak på" lastebilen. På buss blir påbygget kalla for "karosseri".