Denne simuleringa viser korleis bølgjebevegelsar forplantar seg på ein streng. Du kan prøve ut korleis bølgjer oppfører seg under mange ulike forhold som du lett kan endre, men for å gjennomføre oppgåvene under, må du velje bestemte innstillingar.
Framgangsmåte
For å sjå tydeleg kva som skjer, hakar vi av på «Puls» for å sende enkeltpulsar bortover strengen, og «Laus ende» for å få bølgjetoppar både same veg og motsett veg.
Vel «Inga» demping og «Låg» spenning. Amplitude og pulsbreidde kan du velje fritt.
- Trykk på den grøne knappen som sender ein puls bortover strengar og sjå kva som skjer.
- I god avstand frå den første pulsen, sender du ein puls til. Studer nøye kva som skjer når pulsane møter kvarandre. Vel gjerne «Sakte bevegelse».
- Kva skjer når to pulsar med like utslag møter kvarandre?
- Kva skjer når to pulsar med motsette og like store utslag møtest?
Vi ser at bølgjene ikkje har forandra seg etter at dei passerte kvarandre. I tillegg ser du kanskje at utsvinga for dei to bølgjene blir lagde saman når dei er på samme staden. Det er dette som blir kalla overlagring.
Tenk over:
Er overlagring mogleg for partiklar? Kva skulle i så fall skje med to bowlingkuler som kolliderer?
CC BY-SASkrive av Astrid Johansen.
Sist fagleg oppdatert 26.06.2018