Oppsummering vinkelslipar

Du har no fått ei innføring i sikker bruk av ein vinkelslipar. Då står det att ein praktisk demonstrasjon på verkstaden før du kan få godkjent sikkerheitsopplæringa.

Dette har du lært om

• Du har sett ein introduksjonsfilm om sikker bruk av ein vinkelslipar.

• Du har fått informasjon om kva risikomoment du kan bli utsett for, og kva verneutstyr du må nytte for å redusere risikoen for å bli skadd.

• Du har fått informasjon om korleis vinkelsliparen er bygd opp, kva verneinnretningar som finst, og korleis du skal velje ut og montere skjereverktøyet på vinkelsliparen.

Du er no klar for den praktiske gjennomgangen.

Praktisk gjennomgang på verkstaden

Gå på verkstaden og finn fram dei ulike vinkelsliparane de har. Det er viktig at du set deg inn i verneinnretningane for dei ulike vinkelsliparane, fordi dei kan vere ulikt utforma.

Når du sjølv meiner at du har god nok kunnskap om sikker bruk av vinkelsliparen, fyller du ut eigenerklæringa. Den tek du med til læraren når du skal gjennomføre den praktiske demonstrasjonen.