Som helsefagarbeidar skal du fremje livskvalitet, helse og meistring. Du skal ta vare på både den fysiske og den psykiske helsa til brukarar og pasientar og bidra til å auke motivasjonen deira til å ta gode helseval.

Val av livsstil påverkar helsa, og for mange er det vanskeleg å gjere gode helseval sjølv om dei har den naudsynte kunnskapen. Som helsefagarbeidar må du vite korleis du kan auke motivasjonen hos ulike pasientar og brukarar til å ta vare på eiga helse og livskvalitet.