Teieplikt

Teieplikta skal beskytte brukarar mot at opplysningar om personlege forhold ikkje kjem på avvegar. Teieplikta skal sikre at folk kan ha tillit til dei yrka som er underlagde denne plikta.

• forvaltingslova
• helsepersonellova

Teieplikta gjeld frå du inngår eit arbeidsforhold og varer resten av livet, sjølv om du sluttar i den aktuelle jobben. Brot på teieplikta kan føre til oppseiing og fengselsstraff.

Teieplikta kan i nokre tilfelle falle bort når det er gitt samtykke frå personen som har krav på tausheit. Dette kan vere aktuelt når du skal hente informasjon frå ein annan instans, eller når du skal gi informasjon til pårørande.

Når pasienten eller andre sine liv kan vere i fare, har helsepersonell plikt til å gi opplysningar om dette vidare. Alle som er underlagde teieplikta, skal varsle barnevernet dersom dei får kjennskap til at barn blir utsette for omsorgssvikt eller mishandling.