Rettleiing
Stigningsløp
Dette stigningsløpet er ei øving for akselerasjonshurtigheit og maksimal hurtigheit, og passar fint som spesiell oppvarming før løpeøkter eller konkurransar som inneheld løping.
Oppsett til øvinga stigningløp. Bilete: Einar Berg / CC BY-SA 4.0
Stigningsløpa gjer de over ein distanse på 40–60 meter. Pass på at farta blir auka gradvis, og at farta er maksimal på slutten av draget. Pausa mellom kvart stigningsløp bør bestå i at de går roleg tilbake til utgangspunktet. Det er viktig at det ikkje blir konkurranse, men at alle køyrer sitt eige løp basert på eigen kapasitet.