Korn og kornprodukt
- alle korntypar
- matvarer som er laga av korn, mjøl og gryn
- karbohydrat
- kostfiber
- lite feitt
- energi
- B1
- E-vitamin i kimen
- mineral, særleg jern
Vi har tre hovudtypar mjøl:
- sikta mjøl
- sammale mjøl
- heilkorn
Bakeevna fortel om kornet eller mjølet kan brukast åleine i baking. Bakeevna varierer med kornsortane og er knytt til gluteninnhaldet i proteinet.
Når vi mel kornet til mjøl, bruker vi heile eller delar av kornet i det ferdige mjølet. Når vi bruker heile kornet, seier vi at utmalingsgraden er 100 prosent. Vil vi ha eit finare mjøl, tek vi bort delar av kornet og får ein lågare utmalingsgrad. Mjøl med lågare utmalingsgrad har lågare innhald av vitamin, mineral og fiber. Dersom vi tek bort kliet og kimen frå mjølet, blir desse selde som eigne produkt. Kli består av skalet på kornet og litt av kimen. Kli er ei god fiberkjelde. Kimen er rik på vitamin, mineral og noko umetta feitt.
- Du kan bake brød ved å bruke éin type mjøl eller ved å blande fleire.
- Du kan kjøpe ferdige mjølblandingar.
- Du kan kjøpe halvsteikte brød som du steiker ferdig sjølv.
- Du kan kjøpe ferdige brød.
Det kan ofte vere vanskeleg å vite kva for brød som er dei sunnaste, særleg når du kjøper ferdige brød. For å hjelpe deg til å finne ut kor grovt brødet er, har Næringsmiddelbedriftenes Landsforening og Baker- og Konditorbransjens Landsforening i samarbeid med Forbrukarrådet, Helsedirektoratet og Mattilsynet utarbeidd eit merkesystem for mjøl- og bakeribransjen: Brødskalaen.