Ei berekraftig reindrift i reindriftssamisk perspektiv
Reindriftsnæringa er "en genuin forvaltningsmodell for en bærekraftig utnyttelse av de arktiske fastlandsområder – en modell som har vist seg fullt ut dugelig over hele det circumpolare området", sa reindriftsutøvar Johan Mathis Turi i 1998.
Frå eit reindriftssamisk perspektiv er det òg nokre andre viktige element som må vere til stades for å kunne seie at reindrifta er berekraftig.
Rein som boazu betyr at reinen lever som villrein, men under den kontrollerte forvaltinga til menneske når det er nødvendig. Det grunnleggande elementet i samisk reindrift er derfor reinen og dei nordområda der desse dyra høyrer heime. Reinen oppheld seg i og bevegar seg langs beite- og vandringsruter baserte på dei naturlege behova deira gjennom året. Vi kan berre kontrollere rein ved å ta omsyn til åtferda og behova dei har, og då treng vi ei heilskapleg situasjonsforståing.
Utgangspunktet for den reindriftssamiske forståinga av berekraftig reindrift er omgrepet vuođđu, som omsett til norsk betyr "grunnlag". Det er fleire sider ved reindrifta som blir betrakta som ei form for berekraft, nemleg
- at det blir lagt vekt på grunnleggande prinsipp innanfor reindriftssamisk tradisjon og sedvane
- at ulike sider ved reindrifta, andre næringar og samisk levemåte er kopla saman
- at nye generasjonar blir sosialiserte inn i levemåten i reindrifta og i korleis reindrifta blir utøvd
- at dei ulike sidene av kontinuiteten i reindriftssamisk levemåte er fletta saman
Grunnlag | Beskriving | Omgrep (nordsamisk) |
|---|---|---|
1. Menneske | Reindriftssamar som representerer ein sidakontinuitet, som er kjernen av folk med lang historie i sidaområdet. | vuođđoolbmot |
2. Kunnskap- | Tverrfagleg kunnskapsgrunnlag som blir overført eller blir formidla igjennom reindriftssamisk fagspråk. | máhttovuođđu |
3. Forståings- | Eit verdssyn som er grunnleggande for korleis ein ser samanhengar i verda, og for etikk. | vuođđoipmárdus |
4. Rettsgrunnlag | Reindriftssamisk rettsforståing og sedvane: rettar, eigarforhold og alders tids bruk. | riektevuođđu |
5. Merke- | Familiemerke. Merking av rein i form av snitt i øyra er ein tradisjon som oppfyller ulike praktiske funksjonar. Individuell eigarskap til dyr. | mearkavuođđu |
6. Reinflokk- | Grunnlag for kontinuiteten til reinflokken over tid og overføring av eit godt gjennomtenkt utval av rein frå generasjon til generasjon. Rein blir òg skaffa gjennom annan arv, gåve og andre overførslar med fleire eigarar. Det kan vere utfordringar når rein blir flytt til eit nytt område der dei ikkje har områdetilhøyrsel. | eallovuođđu |
7. Siida- | Omfattar heilskapen i den nomadiske, pastorale livsforma og under dette stadene og arealeiningane som inngår:
| siidavuođđu |
8. Hushalds- | Verksemd, eit familieføretak, ein kjernefamilie og òg ein utvida familie som består av nære slektningar
| báikevuođđu |
9. Ressurs- | Alle typar ressursar som skal dekke behova i hushaldet. Ei allsidig utnytting av rein og andre tilgjengelege naturressursar direkte til eigenproduksjon av mat, klede og utstyr, ved sida av aktivitetar for å tene pengar. Arbeidskraft. | birgenvuođđu |