Fiske og fangst har lang historie. I steinalderen lagde ein enkle reiskapar og båtar for å kunna livnæra seg av ressursane i havet. Fiskerinæringa i dag er ei allsidig næring, med ein stor variasjon av fartøy, reiskapar, fangstområde og kundegrunnlag.

Fiskaren har eit yrke med store variasjonar, og må ha både biologisk, teknologisk og økonomisk kompetanse. Opplæringa skjer på skule og i bedrift. Fiskerinæringa er ei stor eksportnæring i Noreg og skaper viktige arbeidsplassar langs kysten.