Kopf und Schulter, Knie und Zeh!

1. Das Gesicht

I denne øvinga lærer du tretten substantiv som du treng for å beskrive eit ansikt.

Eintal

Forslag til arbeidsmåte:

1. Felles i klassen: Gjenta etter lærar og les orda på framsida av korta høgt i kor.

2. Jobb åleine: Les det tyske ordet, anten inni deg eller høgt. Snu så kortet og gjenta ordet.

3. Jobb i par: A les opp det tyske ordet. B peiker på rett stad i eige ansikt og gjentar ordet.

Fleirtal

Lær fleirtalsformene til ein del substantiv frå øving A. Forslag til arbeidsmåte:

1. Jobb åleine: Les både eintalsform og fleirtalsform av ordet som står på kortet. Snu kortet og gjenta formene.

2. Jobb i par: A peiker på ein stad i eige ansikt, B seier kva denne delen av ansiktet heiter på tysk, og oppgir i tillegg fleirtalsform der det er aktuelt.

To ordforklaringar før du startar

• Singular er eit anna ord for eintal. Ordet kjem frå latin, og det blir brukt som faguttrykk i mange språk.

• Plural er eit anna ord for fleirtal. Også dette ordet kjem frå latin og blir brukt som faguttrykk i mange språk.

2. Der Körper

Lær namna på ulike delar av kroppen.

Eintal

Lær substantiva i eintal. Hugs den bestemte artikkelen! Forslag til arbeidsmåte:

1. Felles i klassen: Gjenta etter lærar og les orda på framsida av korta høgt i kor.

2. Jobb åleine: Les det tyske ordet. Snu så kortet og gjenta ordet. Hugs den bestemte artikkelen!

3. Jobb i par:

   • A les opp det tyske ordet. B peiker på rett kroppsdel på eigen kropp og gjentar ordet.

   • A peiker på ein stad på eigen kropp, B seier kva denne delen av kroppen heiter på tysk.

Fleirtal

No skal du lage fleirtalsform av substantiva frå øving A. Klikk på i-knappen om du treng hjelp. Forslag til arbeidsmåte:

1. Jobb åleine: Les det tyske ordet og lag fleirtalsform av det. Sjekk svaret og gjenta det. Ver nøye med artiklane!

2. Jobb i par: A les opp ordet og forklarer kva som er rett fleirtalsform. B snur kortet, les fasiten og set om til norsk. Byt roller for kvart kort.

3. Die Hand

Her øver du mellom anna på namna på fingrane. Forslag til arbeidsmåte:

1. Felles i klassen: Gjenta etter lærar og les orda på framsida av korta høgt i kor.

2. Jobb åleine: Les det tyske ordet. Hugs artikkel! Snu så kortet og gjenta ordet. Litt fleire utfordringar? Lær deg òg fleirtalsformene av Hand, Nagel, Daumen og Finger. Du finn fleirtalsformene bak i-knappen på framsida av korta.

3. Jobb i par: A les opp det tyske ordet. B viser kva del av handa ordet beskriv, og gjentar ordet.

4. Redewendungen

Akkurat som på norsk finst det òg på tysk tallause faste uttrykk som tar utgangspunkt i kroppen. Her får du nokre døme. Gjett kva dei betyr!

A. Kva betyr dei faste uttrykka?

B. Kva betyr dei faste uttrykka

5. Post-it!

Jobb i par eller grupper på tre.

• Skriv ned namna på ulike kroppsdelar på Post-it-lappar e.l.

• Legg lappane i ein bunke. Trekk lappar etter tur og fest dei på kvarandre mens de seier orda høgt. (Lappen blir festa på den som er nestemann til å trekke lapp.)

• Ta til slutt eit bilde med mobilen, og vis eller del bildet med lærar.

6. Mach ein bisschen Gymnastik!

Det blir ofte mykje stillesitting i løpet av ein skuledag. Her er nokre rolege øvingar som kan førebygge smerter og auke konsentrasjonen.

• Øv på dei tjue glosene nedanfor (retningsuttrykk og rørsleverb). Les orda høgt.

• Sjå instruksjonsfilmen (lengde 2:58).

• Jobb i par. Les og sett om transkripsjonen i boksen.

• Sjå filmen på nytt, og følg instruksjonane.