Fagstoff
Video
Whisky sour
Whisky sour er ein frisk og syrleg drink med eit herleg skumlokk. I denne filmen (lengde 3:55) viser bartenderen deg korleis du kan lage ein alkoholfri variant.
Video: Jarle Sten Olsen / CC BY-ND 4.0
Oppskrift på alkoholfri whisky sour
Ingrediensar
4 cl alkoholfri whisky
3 cl sitronsaft
2 cl sukkerlake
4 cl eggekvite
isbitar
Slik gjer du
Ha to isbitar oppi eit lite rocksglas for å kjøle ned glaset.
Hell alkoholfri whisky, sitronsaft, sukkerlake og eggekvite i ein shaker.
For å lage eit fint skum må du først tørrshake ingrediensane nokre sekund utan is, så tilset du nokre isbitar og rister litt til.
No skal du dobbeltsile drinken: Opne shakeren, og plasser ein sil på toppen av han. Plasser ein annan sil i handa, og sil drinken over i det avkjølte rocksglaset.
Garner med litt appelsinzest.
Ein forfriskande whisky sour