Korleis skrive diktanalyse?

Del 1: Diktet "Folkebibliotek"

1. Les diktet "Folkebibliotek" av Haile Bizen, ein forfattar som flykta frå Eritrea til Noreg.

2. Skriv åleine:

   • Kva meiner du dette diktet eigentleg handlar om?

   • Kva er det eget i diktet synest er vanskeleg?

3. Diskuter i par eller grupper:

   • Kva meiner de kan vere temaet i diktet?

   • Kva for verkemiddel bruker Bizen for å få fram temaet?

   Tips: metafor, besjeling og samanlikning.

4. Diskuter tema og verkemiddel med resten av gruppa eller klassen.

Del 2: Kva er ein diktanalyse?

Diskuter i par eller grupper:

1. Ein sjanger i skulen er diktanalyse. Veit de kva ein diktanalyse er? I så fall: Kva er det meininga de skal gjere når de skriv diktanalysar?

2. Veit de kva som er viktig for å skrive gode diktanalysar?

3. Korleis ville de ha skrive ein diktanalyse av diktet "Folkebibliotek"?

Samanfatt svara på spørsmåla. Skriv gjerne på tavla.

Del 3: Les ein god analyse av diktet "Folkebibliotek"

1. Les modellteksten "Framand mann i nytt land".

2. Gå saman i grupper og diskuter:

   • Kvifor er dette ein god analyse?

   • Kvar er overskrifta, innleiinga, hovuddelen og avslutninga i teksten?

   • Korleis blir sitat (døme frå teksten) brukte i teksten?

3. Samanfatt med dei andre elevane.

Del 4: Sjå filmen Korleis skrive ein diktanalyse?

1. Sjå filmen Korleis skrive ein diktanalyse? (lengde 7:13), som viser diktanalyse steg for steg.

2. Diskuter om de forstod dette:

   • Kva betyr det at ein diktanalyse skal ha fire delar?

   • Kva er avsnitt?

   • Kva er ein temasetning?

   • Kva er kommentarsetningar?

   • Kva betyr det at vi skal bruke døme og sitat som "bevis"?

   • Kva er oppgåva til innleiinga, avslutninga og overskrifta?

Del 5: Les eit dikt

1. Les eit dikt i klassen. Til dømes kan de lese diktet "Vi trodde lykken lå på den andre siden av grensen" av Selma M. Yonus.

2. Diskuter kva som kan vere motiv, tema og det viktigaste verkemiddelet i diktet.

Del 6: Skriv diktanalysen

No skal du skrive diktanalysen din. Gjer det slik:

1. Opne og lagre modellteksten under.

2. Skriv analysen din inn i høgre kolonne i tabellen. Dette skal hjelpe deg til å lage ein god struktur.

3. Når du er ferdig, klipper og limer du teksten din inn i eit nytt dokument, utan tabell.

• Skriveramme til diktanalyse(DOCX)

Del 7: Gi kvarandre tilbakemelding

Byt tekst med ein annan elev i klassen. Gi kvarandre tilbakemelding. Sjå særleg på dette:

• Har teksten ei tydeleg firedeling? (overskrift, innleiing, hovuddel og avslutning)

• Presenterer innleiinga teksten og temaet?

• Har avsnitta god struktur med både ei tydeleg temasetning og sitat som bevis?

• Er overskrifta kort og gir informasjon om temaet?

• Er språket klart?

Fiks deretter teksten etter å ha fått tilbakemelding frå medeleven din.