Korleis skrive novelleanalyse?

Del 1: Novella "Gutten"

1. Les novella "Gutten".

2. Diskuter:

   • Forstod de handlinga?

   • Er det ord de treng forklaring på?

   • Har de andre spørsmål til novella?

3. Når alle meiner dei har forstått handlinga, skal de diskutere i par:

   • Kva meiner de kan vere temaet i novella?

   • Kven har synsvinkelen i novella? Altså: Gjennom kven sine auge ser vi historia?

4. Diskuter svara på spørsmål C. saman i gruppe eller i klassen.

Del 2: Kva er ein novelleanalyse?

Diskuter i par eller grupper:

1. Ein sjanger i skulen er novelleanalyse. Veit de kva ein novelleanalyse er? I så fall: Kva er det meininga de skal gjere når de skriv novelleanalysar?

2. Veit de kva som er viktig for å skrive gode novelleanalysar?

3. Korleis ville de ha skrive ein novelleanalyse av novella "Gutten"?

Samanfatt svara på spørsmål A. og B. saman.

Del 3: Les ein god analyse av novella "Gutten"

1. Les analysen "Den uskyldige guten".

2. Gå saman i grupper og diskuter:

   • Kvifor er dette ein god analyse?

   • Kvar er overskrifta, innleiinga, hovuddelen og avslutninga i teksten?

   • Korleis blir sitat (døme frå teksten) brukte i analysen?

   • Kva inneheld kvart avsnitt?

3. Samanfatt saman med dei andre elevane.

Del 4: Sjå filmen Korleis skrive novelleanalyse?

1. Sjå filmen Korleis skrive ein novelleanalyse? (lengde 10:38).

2. Diskuter om de forstod dette:

   • Kva betyr det at ein novelleanalyse skal ha fire delar?

   • Kva er avsnitt?

   • Kva er ei temasetning?

   • Kva er kommentarsetningar?

   • Kva betyr det at vi skal bruke døme og sitat som "bevis"?

   • Kva er oppgåva til innleiinga, avslutninga og overskrifta?

Del 5: Les ei novelle

1. Les ei novelle i klassen.

2. Diskuter kva som kan vere motiv, tema og det viktigaste verkemiddelet i novella.

Del 6: Skriv novelleanalysen

No skal du skrive novelleanalysen din. Gjer det slik:

1. Opne og lagre modellteksten under.

2. Skriv analysen din inn i høgre kolonne i tabellen. Dette skal hjelpe deg til å lage ein god struktur.

3. Når du er ferdig, klipper og limer du teksten din inn i eit nytt dokument, utan tabell.

• Skriveramme til novelleanalyse(DOCX)

Del 7: Gi kvarandre tilbakemelding

Byt tekst med ein annan elev i klassen. Gi kvarandre tilbakemelding. Sjå særleg på dette:

• Har teksten ei tydeleg firedeling? (overskrift, innleiing, hovuddel og avslutning)

• Presenterer innleiinga teksten og temaet?

• Har avsnitta god struktur med både ei tydeleg temasetning og sitat som bevis?

• Er overskrifta kort og gir informasjon om temaet?

• Er språket klart?

Fiks deretter teksten din etter å ha fått tilbakemelding frå medeleven din.