Pølseteknikk

I filmen under (lengde 8:58) lærer Åsne Raaen Solheim deg korleis du kan bygge opp ei form ved hjelp av pølseteknikk trinn for trinn.

Du kan bygge opp alle slags former ved hjelp av pølseteknikk. For å lage ein vase kan du kjevle og skjere ut ein botn og legge cirka tre pølser jamt oppå kvarandre. Etterpå dreg du leira frå dei ulike delane saman. Støtt med hendene mens du arbeider med å få leira til å henge saman. Deretter kan du legge på nye pølser og jobbe vidare oppover. Dersom du skal bygge opp større former, kan det vere lurt å la leira tørke litt og bli stødigare før du legg på fleire pølser.

Slikkar

Slikkar er flytande leire som blir brukt til å lime saman delar av fuktig eller lêrhard leire. I filmen under (lengde 1:09) lærer du korleis du kan lage slikkar ved å knuse tørr leire og løyse ho opp i vatn.

Bileta nedanfor viser korleis to britiske kunstnarar har brukt pølseteknikk til å bygge opp klassiske former. Grayson Perry har laga vasen til venstre og dekorert han med illustrasjonar, tekst og symbol. Magdalene Odundo har bygd opp vasen til høgre og lagt til dekorative element.