Horisontlinje og ulike perspektiv

Animasjon om ulike perspektiv

I filmen under (lengde 1:13) viser vi prinsippet for eittpunktsperspektiv og korleis opplevinga av eit motiv kan endre seg, alt etter augehøgda til betraktaren.

Del 1: Lær deg fagorda

Horisontlinje

Vi kjenner horisonten som der hav og himmel møtest. Horisontlinja er den usynlege "linja", og ho svarer til augehøgda di. Dersom du står høgt oppe på eit fjell og ser utover havet, så vil horisontlinja bli høgare enn om du sit i sanden på stranda og ser utover.

Normalperspektiv

Normalperspektivet er, som namnet beskriv, i normal høgde, verken høgt eller lågt. Det svarer til augehøgda di.

Fugleperspektiv

Fugleperspektiv er, som namnet gir hint om, at vi ser som fuglen, ovanfrå og ned.

Froskeperspektiv

Froskeperspektiv er perspektiv sett nedanfrå. Då har du låg augehøgde og ser opp på motivet ditt.