Fag

Fagstoff

Oppgåve

Video

Skjemateikning – hovud og ansikt

Vi er mest fornøgd med teikningane våre når dei har rette proporsjonar. Å bli klar over kva proporsjonar som gjeld for ansiktet og hovudet, er eit viktig steg for å teikne menneske rett. Animasjonsfilmen og øvinga under gir deg dei verktøya du treng for få til rette proporsjonar.

To ansikt, eit sett framanfrå og eit sett frå sida. Det er teikna inn hjelpelinjer som gjer det lettare å plassere munn, øyre, nase, hårfeste osb. på rett stad. Illustrasjon. — Skjematisk inndeling av anatomien i ansiktet og hovudet gjer det lettare å få rette proporsjonar i ei teikning av ein person.

Proporsjonar i hovud og ansikt

Sjå animasjonsfilmen under (lengde 6:37) om proporsjonane i ansiktet og hovudet til eit menneske. Filmen forklarer og viser korleis du kan teikne opp hjelpelinjer for å teikne anatomisk korrekte ansikt og hovud.

Viss du gjer deg kjend med denne måten å teikne menneske på, kan du etter litt øving teikne kven som helst. Skjemateikning er berre ein start og eit hjelpemiddel. Det du faktisk observerer, er alltid viktigare enn reglar som er laga for å hjelpe oss.

Video: Klipp og Lim / CC BY-SA 4.0

Øving i å teikne ansikt og hovud

Utstyr

blyant
viskeler
linjal
teiknepapir i A3-format

No skal du prøve deg på å teikne eit ansikt og eit hovud framanfrå og i profil. Sjå gjerne filmen fleire gonger før du begynner. Følg instruksjonane trinn for trinn, og set filmen på pause mens du teiknar.

Du skal bruke eit liggande A3-ark og plassere skjemateikningar av ansiktet sett framanfrå og i profil ved sida av kvarandre.

Skjemateikning av ansikt og hovud(PDF)

Kjelde

Loomis A. (2011). Drawing the Head and Hands. Titan Books Ltd.