Fag

Fagstoff

Kortfilm

Video

Portrett

Eit portrett viser fram ein person i eit kunstverk. Det kan vere avbilding av heile figuren, overkroppen eller berre ansiktet. Kva meiner du skal til for å gjere eit portrett vellykka? Edvard Munch laga mange sjølvportrett. Her blir du betre kjend med han gjennom nokre av dei.

Oljemåleri av ein ung mann i halvprofil. Blikket hans er retta mot betraktaren. Foto. — Sjølvportrett av Edvard Munch (1881–1882)

Oljemåleri av ein mann i halvfigur som røyker ein sigarett. Det intense blikket hans er retta mot betraktaren, men han ser vel så mykje inn i si eiga verd. Foto. — Sjølvportrett med sigarett av Edvard Munch (1895). Foto: Nasjonalmuseet.

Kven var Edvard Munch?

Edvard Munch (1863–1944) er ein av verdas mest kjende kunstnarar. Gjennom livet laga han rundt 80 sjølvportrett. I filmen frå Munchmuseet (lengde 4:01) blir vi kjende med ulike sider av Munch gjennom nokre av sjølvportretta hans.

Regi & manus Liv Joelle Barbosa Blad. Produsert av MUNCH i samarbeid med Spindel Film. © Munchmuseet. Video: Edvard Munch, Liv Joelle Barbosa Blad, Maria Wiik / Avgrensa gjenbruk

Tenk over

Kva kan vi lære om Munch gjennom måten han framstilte seg sjølv på?

Utforsk

I filmen over ser vi nærare på tre av Munchs sjølvportrett. Finn eit anna sjølvportrett av Munch enn dei tre vi har studert i filmen.

Korleis verkar han i biletet du har valt?
Grunngi kvifor du opplever han slik.
Kva for visuelle verkemiddel har Munch brukt for å skape dette inntrykket?

Diskuter

Gå saman i grupper på tre–fire personar.

Samanlikn uttrykka i sjølvportretta de har valt. Diskuter kva desse bileta kan fortelje oss om Munch og om det å vere menneske.
Kva synest de er viktig å få fram viss de skal lage eit portrett?

Relatert innhald

Nettside hos snl.no

Portrettmesterskapet

Nettside hos tv.nrk.no