Film og filmklipp

Hiphopdans

Hiphopdans blir dansa til hiphopmusikk og har henta element frå andre dansestilar, som breakdance, locking og popping. Her kan du lære deg fem trinn i hiphopdans, som The skate og The Cabbage Patch. Når du har lært deg desse trinna, kan du improvisere og kombinere akkurat som du vil.

Lær deg fem trinn, så kan du improvisere og kose deg! Video: Terranova Media / CC BY-NC-SA 4.0

Første trinn, The Skate

I The Skate er målet å skli bortover golvet, mens vi sprett ned og opp. Video: Terranova Media / CC BY-NC-SA 4.0

Andre trinn, The Cabbage Patch

I The Cabbage Patch skal vi liksom dra i "noko". Video: Terranova Media / CC BY-NC-SA 4.0

Tredje trinn

Her er det viktig å tenke på overkroppen! Video: Terranova Media / CC BY-NC-SA 4.0

Fjerde trinn

I trinn fire skal vi skli framover i diagonale linjer til høgre og venstre. Video: Terranova Media / CC BY-NC-SA 4.0

Femte trinn

I det siste trinnet skal vi sparke fram med høgre bein, krysse framom og steppe ut med venstre. Video: Terranova Media / CC BY-NC-SA 4.0

Musikkforslag frå instruksjonsvideo

Get Lucky – Daft Punk feat. Pharell Williams

Forslag til undervisningsopplegg

Mål: Deltaking, medverknad og samarbeid. Anerkjenne ulikskap og inkludere alle uavhengig av føresetnader.

Del inn i grupper med 5–6 elevar. Bruk filmane over, og øv på dei fem ulike trinna saman. Utnytt gruppemedlemmane sine sterke sider. Tid: 25 minutt.
Alle gruppene får 2–3 nye medlemmar, mens resten av elevane blir att på same gruppe. Set trinna frå del 1 saman til ein kort dans på om lag 20 sekund. Vel ut nokre trinn, eller bruk alle, og kombiner dei som de sjølv ønskjer. Tid: 25 minutt.
Syn fram dansen anten til heile klassen, til ei anna gruppe eller berre til faglærar.