Zhái Yǒngmíng

Ho slo igjennom på midten av 80-talet med diktsyklusen Nǚrén 女人 – Kvinne. Karakteristikkane hennar av tradisjonelle haldningar til kvinner er på ingen måte blitt svakare med åra. Samtidig hentar ho kritisk inspirasjon frå tradisjonell kinesisk kultur, særleg klassiske kvinnelege poetar.

I 1998 starta ho det uavhengige tidskriftet Chìbǎng 翅膀 – Vinger – saman med poeten Zhōu Zàn 周瓒 for å gi eit løft til kvinnelege poetar. Tidsskriftet kjem framleis ut, no i nettbasert utgåve. Zhai arbeider i mange retningar. Ho er ein profilert essayist, har eksperimentert med dikt som installasjonar og er tonesetjande i kulturlivet i fødebyen Chéngdū 成都, der ho driv ein kulturbar.