Budsjettkontroll
Kva er budsjettkontroll?
Ei samanlikning mellom budsjett og rekneskap kallar vi for ein budsjettkontroll. Ein slik analyse bør gjennomførast kvar månad. På den måten kan vi ved avvik setje i verk nødvendige tiltak. Ser vi ikkje avvika før mot slutten av året, har vi liten eller ingen anledning til å kunne rette opp der vi kom skeivt ut.
Eit døme på ein budsjettkontroll
Det kan vere formålstenleg å bruke eit rekneark når vi skal setje opp ein budsjettkontroll. Berekn avvika både i kroner og i prosent. Oppsettet nedanfor viser budsjettkontroll for desember månad for ein blomsterbutikk.
Postar | Budsjett (kr) | Rekneskap (kr) | Avvik (kr) | Avvik (%) |
|---|---|---|---|---|
Salsinntekter | 450 000 | 500 000 | 50 000 | 11,1 |
Varekostnader | 260 000 | 300 000 | –40 000 | –15,4 |
Bruttoforteneste |
|
|
|
|
Lønn | 78 000 | 80 000 | –2 000 | –2,6 |
Arbeidsgivaravgift | 10 998 | 11 280 | –282 | –2,6 |
Straumkostnader | 1 200 | 1 000 | 200 | 16,7 |
Husleige | 12 000 | 12 000 | 0 | 0,0 |
Avskrivingar | 2 400 | 3 000 | –600 | –25,0 |
Rentekostnader | 800 | 1 000 | –200 | –25,0 |
Sum faste kostnader | 105 398 | 108 280 | –2 882 | –2,7 |
Resultat | 84 602 | 91 720 | 7 118 | 8,4 |
Forklaring til avvika
Utrekninga vi gjer for å finne avviket i kroner når det gjeld salsinntekter, bruttoforteneste og resultat:
For å finne avviket i kroner når det gjeld kostnadene, bruker vi dette reknestykket:
Hugseregel
Eit positivt avvik skal vere positivt for verksemda.
Eit negativt avvik er negativt for verksemda.
Salsinntekter
Butikken har selt for 50 000 kroner meir enn budsjettert. Det utgjer ein auke på 11,1 prosent. Vi reknar auken i prosent av budsjettalet:
Dei auka salsinntektene kan komme av at prisen per produkt har auka, eller av at butikken har selt fleire produkt – eller begge delar.
Varekostnader
Her gjer vi den same utrekninga. Varekostnadene har prosentvis auka litt meir enn salet.
Tenk over
Varekostnadene har i dette dømet auka prosentvis meir enn salsinntektene. Kva kan vere grunnen til det?
Bruttoforteneste (dekningsbidrag)
Dei auka salsinntektene er større enn auken i varekostnader, derfor har vi fått ein auke i bruttofortenesta.
Faste kostnader
Av dei faste kostnadene ser vi at det er avskrivingane og rentekostnadene som har størst negativ endring i prosent. Dei har forverra seg med 25 prosent. Det kan høyrast mykje ut, men her er det viktig å sjå på kva endringa utgjer i kroner. Sidan kronetala er så låge, treng vi ikkje å bekymre oss over at prosenttala er høge.
Resultat
Resultatet blei 7 118 kroner betre enn budsjettert.
Tenk over
Kva synest du om dette resultatet?
Tiltak ved avvik
Ved å utføre budsjettkontroll kan vi følge med på den økonomiske utviklinga til verksemda. Finn vi store avvik, er det viktig å reflektere over årsaka til avvika.
Av og til indikerer avvika ei negativ utvikling som vi bør setje inn tiltak for å stanse. Andre gonger er det kanskje eit mangelfullt budsjettgrunnlag som er årsaka til avvika.