Arbeidsoppdrag
Kasting av mat
Jobb i grupper og lag ei marknadsundersøking på trinnet eller på heile skulen om kasting av mat.
Vi kastar 1/3 av all maten som blir produsert, noko som står for heile 8–10 prosent av dei globale CO2-utsleppa.
- Jobb i grupper.
Lag ei marknadsundersøking på trinnet eller på heile skulen dykkar om kasting av mat. Undersøkinga skal vise haldningane elevane har til kasting av mat.
- Bli samde om kva spørsmål de må stille for å få svar på det de lurer på.
- Bestem dykk for kva type undersøking de vil lage. Det er anbefalt at halve klassa jobbar med kvalitative undersøkingsmetodar og den andre halvparten med kvantitative undersøkingsmetodar, slik at de får både breidd og djupn i svara dykkar.
- Gjennomfør undersøkinga på skulen.
- Skriv ein rapport om funna frå undersøkinga.
- Lag ein presentasjon med hovudfunna frå undersøkinga, og presenter for klassa.
- Jobb gjerne vidare med oppgåva "Haldningskampanje for å redusere matsvinn", som du finn under relatert innhald.
Relatert innhald
Oppgåver og aktivitetar
Haldningskampanje for å redusere matsvinnI denne oppgåva skal de jobbe i grupper med å lage ein haldningskampanje for å skape auka forståing for viktigheita av å redusere matsvinn.
Fagstoff
Observasjon, eksperiment og djupneintervjuDjupneintervju, observasjon og eksperiment er tre ulike måtar å innhente informasjon på ved undersøkingar.